Фото Галерија

Галерија

Фото Вест



Исланд на Евро 2016 денеска ќе игра против Португалија а на социјалните мрежи се појави слика како Теодор Елмар им чита детска бајка на соиграчите Емил Халфредсон и Биркир Бјарнасон.Тројцата беа сместени во еден кревет и под една прекривката.

Маркетинг

 

Пријатели

  

No Image
Одржано годишното собрание на МКФ
4.06.2016.

 Македонската Кошаркарска Федерација денеска го одржа годишното Собрание. Со присуство на 20 од 24 делегати неколку точки од обемниот дневен ред привлекоа и најголемо интересирање.

Во извештајот за работата на Македонската Кошаркарска Федерација, генералниот секретар Моника Гавриловски, упати благодарност до првиот човек на РК Металурт, Минчо Јорданов, кој лично се заложил и помогнал за одблокирање на сметката на МКФ.

Најобемна и најдолга дискусија предизвика точката 5 од дневниот ред за измени и дополнувања во Статутот на МКФ. Централна тема беше битката за сопствеништво на лигата како и бројот на странски кошаркари. Медијатор за компромис по ова прашање беше АМС, па така лигата дојде под контрола на МКФ, а клубовите го задржаа правото за одлука при бројот на странски кошаркари во Првата лига.

 
Двојно зголемен наградниот фонд за Копа Америка
4.06.2016.

 Поради јубилејот на синоќа започнатиот турнир Копа Америка, бројот на учесниците во него е зголемен, но и наградниот фонд „скокна на 21,5 милиони долари. По повод еден век од создавањето на фудбалската конфедерација на Јужна Америка (КОНМЕБОЛ), како и 100-годишнината од првото издание на Копа Америка, ова издание на турнирот се нарекува "Копа Америка Сентенарио".

Само пред една година на турнирот тимовите имаа шанса да поделат награден фонд од вкупно 10 милиони долари. Тогаш победникот Чиле зеде 4 милиони, а сега шампионот ќе земе 6,5 милиони долари.

Со оглед на тоашто се уште е старт на натпреварувањето, тешко е да се каже кој е главниот фаворит оваа година. Вечерва го чекаме првиот меч и на Бразил.

 
Ибра и Јунајтед се договориле
4.06.2016.

 Шведската фудбалска мегаѕвезда Златан Ибрахимовиќ ќе ја продолжи кариерата во Манчестер Јунајтед. Ова го тврди авторитетното англиско издание Sky Sports.

Двете страни веќе се договориле и Ибра ќе потпише со "црвените ѓаволи" договор на 1 година. Веста треба да биде официјализирана пред почетокот на Евро 2016, каде Шведска ќе го одигра првиот натпревар на 13 јуни против Ирска.

Златан одбил многу привлечни понуди од финансиска гледна точка од Кина и САД, за да ја продолжи кариерата на "Олд Трафорд". Голема улога за неговата одлука одиграл новиот менаџер на Јунајтед, Жозе Мурињо, со кого се големи пријатели уште од заедничкиот престој во Интер.

 
Колумбија тргна со победа на Копа Америка
4.06.2016.

 Колумбија започна со победа на 45-то издание на најпрестижниот јужноамерикански фудбалски турнир Копа Америка, и тоа со значаен триумф над домаќинот САД. Кристијан Запата ја погоди мрежата на Бред Гузан уште во 8. минута, а пред самиот крај на првиот дел во листата на стрелците се запиша и Хамес Родригез.

Второто полувреме не донесе големи возбудувања на резултатски план, но затоа беше одбележано од незгодната повреда на Родригез. Хамес имаше исклучително лоша сезона во Реал Мадрид, но дека навистина нема среќа оваа година добивме потврда на натпреварот кој се одигра ова утро.

Офанзивниот играч за врска падна незгодно на левата рака по еден старт на противнички фудбалер, а дека повредата на рамото не е баш наивна можеше да се заклучи и од реакциите на Родригез.

 
Арсенал ја активира клаузулата за Варди
4.06.2016.

 Арсенал ќе ја активира клаузулата за купување на голгетерот на шампионот Лестер, Џејми Варди. Веста ја соопштија неколку влијателни британски изданија, кои тврдат дека Венгер и сопствениците на тимот се цврсто решени да го донесат англискиот репрезентативец на „Емирати“.

Според информациите "топчиите" упатиле понуда висока 20 милиони фунти за најдобриот во Премиер лигата за минатата сезона. Варди во моментов е со англиската репрезентација која другата недела го започнува учеството на Евро 2016.

Во меѓувреме, поранешниот голгетер на Англија Гери Линекер, фан на Лестер, повика Варди да остане во клубот и наредната сезона. Останува да се види реакцијата на агентите на фудбалерот.

 
Почина боксерската легенда, Мохамед Али
4.06.2016.

 Боксерската легенда Мохамед Али почина на 74-годишна возраст. Човекот кој ја заслужува титулата суперхерој на едно време, меѓу другото беше прогласен и за „Спортист на векот“ од страна на Меѓународниот олимписки комитет.

Боб Ганел портпаролот на боксерската легенда ја објави веста преку соопштение: по 32 години постојана борба против болеста Паркинсон, Мохамед Али почина на возраст од 74 години. Поранешниот шампион во тешка категорија во четвртокот бил префрлен во клиника во градот Феникс во американската сојузна држава Аризона поради проблеми со дишењето.

Олимпискиот победник и шампион во тешка категорија, кој станал боксер затоа што некој на 12 години се обидел да му го украде велосипедот, во рингот и надвор од него како што постојано нагласуваше „леташе како пеперутка, но бодеше како пчела“.

 
На Меси му се заканува затвор од скоро 2 години
4.06.2016.

 Случајот против Лионел Меси и неговиот татко Хорхе заврши, откако јавниот обвинител побара фудбалерот да биде ослободен, додека државното обвинение инсистира да биде осуден.

Процесот трае четири дена во Барселона, а двајцата обвинители се обединија околу тезата дека таткото на Меси - Хорхе, е главниот виновник за даночно затајување во висина од 4,1 милиони евра за периодот 2007-09 година.

Претставникот на државата заклучи дека Лионел Меси не знаел доволно за шемите на татка си и двајцата треба да бидат осудени на 22 месеци затвор.Јавниот обвинител сепак инсистира Лионел Меси да биде ослободен, а пресуда од 18 месеци да има само за таткото.

 
Дани Алвеш потврди трансфер во Јуве
4.06.2016.

 Бразилскиот десен Дани Алвеш и јавно проговори за неговата конечна одлука, следната сезона да заигра за италијанскиот шампион Јувентус. И покрај тоа што го потврди преминот во актуелниот италијански првак, тој посочи и која ќе биде неговата примарна цел по пристигнувањето во Торино.

„Освоив толку многу титули со Барселона, но сега ми беше потребен нов предизвик, а Јувентус е повеќе од тоа. Дојде време да уживам во италијанскиот фудбал и да го вратам Јувентус на врвот на Европа. Многу сум среќен што пристигнувам во Торино, титулата во Лигата на шампионите ќе биде моја примарна цел“, изјавил фантастичниот десен бек.

Инаку, Алвес ја напушта Барселона по осум минати сезони на „Камп Ноу“, во кои покрај тоа што се прокламираше како еден од најдобрите дефанзивци во светот, освои дури 23 големи трофеи и влезе во историјата на каталонскиот гигант.

 
Ангеловски: Ако некој е виновен, тоа сум јас
3.06.2016.

 По поразот од Иран на синоќешниот пријателски меч во Скопје, селекторот на фудбалската репрезентацијата на Македонија, Игор Ангеловски, изјави дека Иран беше подобра репрезентација, а мечот го решија индивидуални грешки.

„Иран ја потврди својата класа, исклучително силна репрезентација. Во одредени моменти се обидовме да се спротивставиме, но не успеавме. Направивме неколку индивидуални грешки, противникот одлично затвораше и тешко доаѓавме до нивната опасна зона. Изборот на фудбалери и нивните позиции е моја одлука, ако некој бара виновници тогаш нека го впери прстот кон мене. Тоа што го знам, а верувам и сите кои и мислат добро на оваа репрезентација е дека не очекува уште многу работа и нови моменти, се надевам позитивни. Имаме млад тим, играчи кои се желни да успеаат и јас целосно гинразбирам. Денеска загубивме од квалитетна репрезентација, одиме понатаму“, изјави Ангеловски. 

За Македонија останува сега да чека на првите квалификациски пресметки за СП кои почнуваат во септември.

 

 
<< Почеток < Претходна 1 2 3 4 5 6 7 8 9 10 Следна > Крај >>

Резултати 85 - 98 од 34226
No Image
No Image No Image No Image

Лична Карта

 
 
Адреса: бул. 8 Септември ББ,
сала:  Б. Трајковски
Тел/факс: 02/31 21 903
e-mail: Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете
SMS 070/075/077 145 903077 145 903
 
Следете не на:
 
 
 
 
   

ФОТО - 11. РОДЕНДЕН

Партнери


 
     
 
 
 

        

    

 


Nogomet

No Image
© 2017 Спортско Радио 90,3
Joomla! is Free Software released under the GNU/GPL License.
No Image