Фото Галерија

Галерија

Фото Вест



Исланд на Евро 2016 денеска ќе игра против Португалија а на социјалните мрежи се појави слика како Теодор Елмар им чита детска бајка на соиграчите Емил Халфредсон и Биркир Бјарнасон.Тројцата беа сместени во еден кревет и под една прекривката.

Маркетинг

 

Пријатели

  

No Image
Пјаниќ и официјално во Јувентус
9.06.2016.

 Јувентус и Рома и официјално се договорија за трансферот на Миралем Пјаниќ. Итали- јанскиот шампион и официјално ќе го добие потписот на босанскиот репрезентативец, а екипата на Рома ќе добие сума од 30 милиони евра.

2 милиони евра се во форма на бонуси, кои дополнително се договорени меѓу двете страни. Во договорот на босанскиот репрезентативец е вметната и клаузула за предвремено раскинување на соработката, која следниот клуб на Пјаниќ ќе го чини најмалку 38 милиони евра. 

Во исто време Рома брзо најде замена на Пјаниќ, откако „волчицата“ објави дека белгискиот репрезентативец Аксел Витсел е на пат за Рим. За трансферот на Витсел, Рома на Зенит ќе му плати 15 милиони евра.

 
ФИФА ја одби жалбата на Фиорентина за Салах
9.06.2016.

 ФИФА ги ослободи Челзи и Мохамед Салах по жалбата на Фиорентина за прекршување на договорните односи при трансферот на фудбалерот по изнајмувањето во Рома.

Од светската куќа на фудбалот објавија дека ја отфрлиле жалбата поднесена од Фиорентина по трансферот на Салах во Рома во август минатата година. Од Фиорентина тврдат дека имале договор со Челзи да го задржат Салах, но репрезентативецот на Египет реши да замине во друг клуб.

Иако „виолетовите“ очекуваа санкции и за Челзи и за фудбалерот, од ФИФА сметаат дека не е направено никакво прекршување на договорните обврски.

 
Милан и натаму се бори за Видал
9.06.2016.

 Милан продолжува да атакува на дефанзивецот на Барселона, Алеиш Видал. Двата клуба водат преговори за наем на Видал во Милано, но деталите од договорот уште не се утврдени.

Според дел од италијанскиот печат, "росонерите" испратиле понуда за наем за 1 година, која на "Ноу Камп" се уште се разгледува, иако претходно имаше информација дека каталонскиот клуб наводно им дал збор на Италијанците дека Видал може да оди на „Сан Сиро“.

Шпанскиот десен бек дојде во Барса минатото лето, но не успеа да се наметне во првиот тим. Во Италија сметаат дека двата клуба продолжуваат со разговорите и се очекува конечната одлука да падне најдоцна до 15 јуни.

 
Рома преговара со Вест Хем за Огбона
9.06.2016.

 Повредата на Антонио Рудигер ја натера Рома да побара нов играч во централната дефанзивна линија. Последните вести велат дека од римскиот тим веќе почнале атак на Анџело Огбона и Жеан Жезус, кои во скоро време можат да станат нови фудбалери на Рома.

Рудигер има сериозна повреда на вкрстените лигаменти која ќе го оддалечи од терените околу 6 месеци. Дефанзивецот ќе остане во Рома, иако имаше опција да биде продаден, но со оглед на тоа што нема да биде активен во првиот дел од сезоната, Рома бара решение за негова замена.

оред "Скај Спорт Италија", Рома веќе преговара со Вест Хем за Анџело Огбона. Првата понуда на "волците" била отфрлена.

 
УЕФА ќе го покани Платини на Евро 2016
9.06.2016.

 Мишел Платини може да биде поканет на натпреварите од Евро 2016 во Франција, но без да има било каква официјална функција, објавија од УЕФА. Французинот беше отстранет од функцијата претседател на Европската фудбалска централа и во моментов издржува 4-годишна суспензија од фудбалот.

ФИФА првично најави дека поради казната Платини нема да може да присуствува на натпреварите како официјално лице, туку само како обичен фан. Теодор Теодоридис, кој привремено ја врши функцијата генерален секретар на УЕФА, изјави дека во седиштето добиле посебно објаснување од ФИФА. 

Во него се вели дека Платини може да биде поканет на натпреварите на Евро 2016, но без да има никакви официјални функции. Извршниот комитет на УЕФА сега треба да одлучи дали официјално ќе го покани Платини на Европското првенство кое почнува во петок. 

 
Диего Коста сака да се врати во Атлетико (М)
9.06.2016.

 Напаѓачот на Челзи, Диего Коста, сака да го напушти клубот. Ова го објави претседателот на Атлетико Мадрид, Енрике Серес, кој најави дека Коста е се поблиску до враќање во нивниот тим.

Тренерот на шпанскиот клуб Диего Симеоне сака да го врати Коста на "Висенте Калдерон", а клубот е подготвен да извади речиси 40 милиони фунти за напаѓачот. Бразилецотс о шпански пасош во неколку наврати истакна дека ако може веднаш би се вратил во Мадрид.

"Коста сака да дојде, но ситуацијата е сложена. Се надевам дека ќе се средат некои работи и ќе може да го добиеме", изјавил Серес за шпанските медиуми.

 
Нема закани за тероризам во Франција
9.06.2016.

 Организаторите на Евро 2016 во фудбал не добиле конкретна терористичка закана за турнирот кој започнува утре во Франција, но не исклучуваат некои натпревари да се играат зад затворени врати при одредени сценарија. 

Домаќините најавија денеска дека не само мерките за безбедност, туку и неповолни климатски услови можат да доведат до такви одлуки. На последната прес-конференција пред стартот на настанот, организаторите и полицијата одговараа на новинарски прашања во врска со безбедноста во Франција.

„Немаме конкретна закана за одреден натпревар од Евро 2016, но треба да бидеме внимателни", рече на прес-конференција Жак Ламберт, претседател на организациониот комитет на Европското првенство. Французите подготвија и посебна апликација за мобилни телефони на која ќе пристигнуваат информации за евентуални терористички закани.

 
Ракометниот камп Кире Лазаров и Хумел со договор
8.06.2016.

 Ракометниот камп Кирил Лазаров кој оваа година по втор пат ќе се организира во Охрид од 17 до 30 јуни во две смени денес и официјално доби нов партнер.

Спортската опрема Хумел ќе биде официјална опрема на ракометниот камп и сите учесници ќе добијат опрема од Хумел, што преставува подигнување на кампот на уште поголемо ниво со обезбедување на врвна опрема за секој учесник.

Денес беше одржана прес-конференција на која беше официјализирана соработката меѓу Ракометниот камп Кирил Лазаров и Хумел кој во Макеоднија е застапен во продавниците на Д-Спорт кој е застапник за Хумел во нашата држава.

 
Ливерпул и Јувентус со најмногу играчи на ЕП
8.06.2016.

 Екипите на Ливерпул и Јувентус се клубовите кои ќе бидат со најмногу претставници на Евро 2016.

Двата тима ќе имаат по 12 фудбалери на првенството во Франција, а според овој показател тие се пред Тотенхем (11), Манчестер Јунајтед (10) и Баерн (Минхен ). Барселона и Реал Мадрид имаат по осум играчи кои ќе се борам на терените на Евро 2016. Дури 103 фудбалери се од екипи кои настапуваат во Премиерлигата.

Интересно е дека голем број на играчи кои играат во селекциите на ова ЕП доаѓаат од второто по ниво натпреварување од англискиот фудбал Чемпионшип дивизијата од каде има 33 играчи. За споредба - Лига 1, елитното првенство на домаќинот на Евро 2016, има само 22 претставници.

 
<< Почеток < Претходна 1 2 3 4 5 6 7 8 9 10 Следна > Крај >>

Резултати 43 - 56 од 34226
No Image
No Image No Image No Image

Лична Карта

 
 
Адреса: бул. 8 Септември ББ,
сала:  Б. Трајковски
Тел/факс: 02/31 21 903
e-mail: Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете
SMS 070/075/077 145 903077 145 903
 
Следете не на:
 
 
 
 
   

ФОТО - 11. РОДЕНДЕН

Партнери


 
     
 
 
 

        

    

 


Nogomet

No Image
© 2017 Спортско Радио 90,3
Joomla! is Free Software released under the GNU/GPL License.
No Image