Тенисерката од Белорусија Викторија Азаренка објасни, зошто загубила свест за време на вчерашниот меч со Аргентинката Жизел Дулко на терените на САД -Опен.Таа имала несреќа уште во соблекувалната.

„Додека се загревав се лизнав паднав и ја удрив главата.Пред мечот лекарите ме прегледаа и добив впечаток дека можам да играм. Набрзо потоа почувствував мачнина, главоболка и вртоглавица.По направените лекарски прегледи во болница сега сум многу подобра.Сакам да им се заблагодарам на сите што се грижеа за моето здравје“-изјавила Азаренка.

Спортскиот директор на фудбалскиот тим Фиорентина Пантелео Корвињо излезе со пофални зборови за активноста на Милан и Парма во летниот трансфер период.

„Некои ангажмани беа навистина одлични.Како пример ќе го издвојам оној на Златан Ибрахимовиќ.Тоа е играч со многу трофеи и заедно со Пато, Роналдињо и Робињо го прават Милан еден од најсилни состави во Италија“-изјавил Корвињо.

Германскиот фудбалски репрезентативец Сами Кедира кој дојде како засилување во летниот трансфер период во тимот на Реал Мадрид изјавил, дека атмосферата на “Сантијаго Бернабе„ е навистина неверојатна.

„Многу се радувам што дојдов во овој состав.Тука сите очекуваат да одиграм на високо ниво.Имам намера да ја одработам најдобрата сеозна во досегашната кариера.Никој од фудбалерите не смее да размислува дека е супер ѕвезда.Тука се на сила сосема други правила“-изјавил Кедира кој во Шпанија дојде во текот на летниот трансфер период.

Во организација на Мотоциклистичка федерација на Македонија (МФМ), под патронат на Владата на Р. Македонија, а со поддршка од Градот Скопје, Агенцијата за млади и спорт (АМС) и Сојузот на спортови на Град Скопје, по повод денот на независноста на Република Македонија, од 3 до 5 септември ќе се одржи  19-тото традиционалното меѓународно мото рели „ Македонија - Независност 2010“.

Годинешното мото рели ќе стартува во 10 часот на 3 септември (петок) од Плоштадот Македонија во Скопје. Потоа колоната мотоциклисти преку Велес, Свети Николе, Карбинци, Штип и Радовиш ќе се упати кон целта на првата етапа во Дојран. За втората етапа на 4 септември (сабота) предвидено е после стартот во Дојран мотоциклистите да минат низ Гевгелија, Неготино, Кавадарци, Прилеп, Крушево, Ресен и Галичица кон целта на вториот ден – Охрид.

За последниот, трет ден предвидено е минување низ Кичево, а целта ќе биде на истото место како и стартот на 5 септември (недела) околу 15 часот.  

На Европското првенство во ватерполо што се одржува во Загреб во Хрватска денеска е слободен ден.Македонските најдобри ватерполисти максимално ќе го искористат за полнење на акумулаторите и анализа на последните два противника во рамките на првата фаза.

Според распоредот утре ќе се сретнеме со фаворитот Србија додека на  5. септември во последното коло од квалификациските групи ќе играме со селекцијата на Унгарија.Тоа се првите два состава во нашата група „Б“ и воедно најсигурните патници во фазата за елиминации.Досега по 3. кола нашите ватерполисти остварија ефект од една победа и два пораза.На стартот ја совладаа Русија додека во последните два меча беа поразени од Грција и Германија.

Џибрил Сисе голгетерот на фудбалскиот тим Панатинаикос доживеал полесна собраќaјна несреќа во текот на вчерашната вечер во Атина.Тој додека се движел кон тренинг кампот на Грците бил удрен од друго возило но, за среќа нема потешко повредени во инцидентот.

Според објавата на официјалниот веб-портал на составот од Атина, 29-годишниот интернационалец и покрај собраќајката бил присутен заедно со другите фудбалери на редовниот тренинг.

Еден од најдобрите фудбалери на Ливерпул Фернандо Торес апелирал до управата на клубот да пронајде нови сопственици, бидејќи сегашните не ги исполнуваат условите.

„Потребно е да се сменат сопствениците за да станеме многу посилен тим.Во моментов не заостануваме зад конкурентите но, имавме многу лоша сезона во Премиерлигата.Се надевам дека набрзо ќе најдеме конзорциум кој ќе може да не купи.Тогаш финансисики ќе им парираме на Челзи и на Манчестер Јунајтед.Добро е што успеавме да го задржиме капитенот Стивен Жерард.Нашата цел е во оваа сезона да бидеме меѓу првите 4. екипи во Англија“-изјавил, голгетерот на “црвените“ во едно интервју за  шпанско радио.

Сопствениците на Ливерпул Том Хикс и Џорџ Жилет не се во можност да ги отплатат долговите и да го задржат чекор со најсилните клубови на островото