Македонската фудбалска репрезентација вечерва во Братислава во Словачка ги започнува квалификациите за ЕП во Полска и Украина во 2012 година. Нашите репрезентативци имаа можност неколку денови да се подготвуваат во Братислава и да ја почувствуваат атмосферата пред да го одиграат својот премиерен натпревар во овие квалификации.

Со голем респект кон противникот но и со доза на оптимизам нашите фудбалери го очекуваат овој натпревар. Го респектираат противникот поради квалитетот на играчите но и поради одличните резултати на последното СП во Ј.Африка, но се оптимисти поради последните резултати кои ги постигнаа во рамките на подготовките за овие квалификации. Одигравме неколку контролни средби во кои покажавме дека можеме да играме ефикасно но и дека кога е потребно и на резултат.

Ватерполо репрезентацијата на Македонија е поразена во натпреварот кој денес го одигра против селекцијата на Србија. Како што се очекуваше репрезентацијата на Србија одигра рационално и онолку колку што беше потребно за да се забележи победа и да се освојат планираните бодови.

Уште на самиот старт со максимално залагање Србија дојде до предност од 4:0 со кој резултат заврши првиот период, а во вториот нешто по рамноправна игра на Македонија и на полувреме се отиде со резултат 6:1. На стартот на третата четвртина успеавме да намалиме на 6:2 но потоа тргна „машината“ на Србија и го завршија тој период со предност од 13:3.

Една од ѕвездите на Ливерпул и на англиската фудбалска репрезентација Стивен Жерард застанал во одбрана на селекторот Фабио Капело. Капитенот на Ливерпул кој ќе биде со капотенската лента и на следните натпревари за Англија  смета дека ниту еден англиски тренер не може да се споредува со Фабио Капело и не е подобар од италијанецот.

Со тоа Жерард само навува дека Капело не би можел да биде сменет од англиски тренер, нешто што го бараат англиските фанови."Важно е Капело да добие уште една шанса“ изјавил Жерард на прес конференцијата пред денешниот стартен натпревар со Бугарија на „Вембли“ во ранките на квалификациите за ЕП 2012 година.

Ветеранот  во екипата на Интер и аргенстинската фудбалска репрезентација Хавиер Занети  и понатаму сака да настапува за репрезентацијата на Аргентина. Негова голема желба е да настапи за својата селекција на следното СП во 2014 година кое ќе се одржи во Бразил.

На последното СП тој и покрај одличната сезона со својот тим, и фантастичните игри во дресот на Интер не се најде на списокот на играчи кој го правеше селекторот Марадона. 37-годишниот Занети изјавил дека ќе направи се што е до него да биде во селекцијата на Аргентина на следното СП во 2014 година и покрај тоа што тогаш ќе има 41 година но Занети годините е ми пречат.

Ѕвездата на Лос Анџелес Галакси Дејвид Бекам може да ја изненади јавноста со негово враќање на теренот веќе по само една недела. Во моментов англискиот репрезентативец ја санира тешката повреда која ја заработи во март додека настапуваше за Милан и со тоа не успеа да настапи на СП во Јужна Африка.

Сега според последните најави тој продолжил со тренинзи со својата еипа и има голема шанса да биде во составот на својата екипа за натпреварот кој Галакси го играат на 11-ти септември со Колумбос. Најнапред лекарите на екипата предвидувале дека Бекам нема да може да се врати на теренот до почетокот на октомври, но сега состојбата му е многу подобра и тој ќе може да игра веќе следната недела.

Тренерот на Реал Мадрид , Жозе Мурињо изјавил дека е задоволен од трансферот на Златан Ибрахимовиќ од Барселона во Милан.

Португалскиот фудбалски стручњак одлично ги познава квалитетите на Ибрахимовиќ додека му беше тренер во Интер и не би сакал да му биде директен противник на неговите играчи но и да биде дел од екипата на Барселона која е главен конкурент за освојување на титулата во Шпанија. Од друга страна против Милан ќе играат во Лигата на Шампионите каде се во иста група и каде Ибрахимовиќ ќе му биде еден од фудбалереите против кого ќе мора да се сретне.

Првиот човек на клупата на Милан, Масимилиано Алегри изјавил дека останал изненаден од фактот што раководството на неговата екипа узпеало да го донесе о нивниот тим бразилецот Робињо.

Во последните денови од преодниот рок Милан направи неколку одлични потези и донесе мега ѕвезди како што се Златан Ибрахимовиќ од Барселона и Робињо од Манчестер Сити. "Не очекувад дека ќе го земеме Робињо. Тој е играч од голем калибар“ изјавил Алегри за клупската телевизија.