Фото Галерија

Галерија

Фото Вест



Исланд на Евро 2016 денеска ќе игра против Португалија а на социјалните мрежи се појави слика како Теодор Елмар им чита детска бајка на соиграчите Емил Халфредсон и Биркир Бјарнасон.Тројцата беа сместени во еден кревет и под една прекривката.

Маркетинг

 

Пријатели

  

No Image
Питсбург е освојувач на „Стенли Купот“
13.06.2016.

 Екипата на Питсбург го освои по четврти пат во својата историја првенство во НХЛ лигата или популарно наречен „"Стенли куп", откако победи со 3:1 на гостувањето кај Сан Хозе и ја заврши финалната серија од Националниот хокеарска лига на САД и Канада (НХЛ) во шестиот натпревар.

Истo како предните три пати Пингвините ќе го донесат купот во сопствениот град, откако не успеаја да го добијат домашниот натпревар. Капитенот Сиднеј Крозби, кој беше награден со трофејот за најкорисен играч во плеј-офот, ја заврши средбата во Сан Хозе со две асистенции. Брајан  На трибините имаше огромна радост. Марио Лемјо, кој освои две титулу со Питсбург Пингвините во почетокот на 90-те години и беше примен во Салата на славните на НХЛ, исто така, изрази огромната радост од фактот дека повторно е шампион.

„Момчињата играа совршено и за време на регуларната сезона, и за време на плеј-офот. Најмногу се радувам за тоа што се претставија извонредно денес, откако изгубија тежок натпревар дома. Сезоната беше долга, но сега веќе можеме да се свртиме назад со насмевка", рече Лемјо по доделувањето на пехарот.

 
Шпанија против малерозниот ден 13-ти јуни
13.06.2016.

 Актуелниот шампион на Европа, Шпанија денес ја започнува одбраната на титулата и тоа против Чешка, Шпанија е голем фаворит но мора да се има во предвид дека 13 јуни е „црн датум“ за оваа репрезентација. Имено, шпанската репрезентација на овој датум има одиграно пет натпревари и ниту еднаш не стигнала до победа, има еден нерешен резултат и дури четири порази.

Се започнало на 13 јуни 1963 година, кога Шпанците загубија пред своите гледачи од Шкотска со убедливи 2:6, резултат кој се уште важи за најубедлив домашен пораз на оваа репрезентација. Шпанија го почна и настапот на СП 1990 во Италија на овој датум, со 0:0 против Уругвај во меч во кој противникот промашил пенал. На 13 јуни 1998 година загубија од Нигерија на својот прв меч од СП во Франција, а две години подоцна беа шокирани и од Норвешка со 0:1 на ЕВРО 2000.

Последниот натпревар што Шпанија го има одиграно на 13 јуни е оној од пред две години кој избраниците на Дел Боске ќе го паметат затоа што беа демолирани со 1:5 од Холандија на стартот од мундијалот во Бразил. Ќе ја срушат ли оваа лоша традиција фудбалерите на Шпанија тукму денес против Чешка ќе видиме по 15 часот.

 
Емери сигурно ја напушта Севиља
13.06.2016.

 Тренерот на Севиља Унаи Емери нема да го води повеќе тимот. Овој стручњак кој ја однесе екипата од Андалузија до три последователни трофеи во Лига Европа, посакал да си замине, објавија од клубот.

„Во Севиља беше добиена официјална молба од адвокатите на Унаи Емери со желба договорот да биде прекинат. Откако беше потврдена желбата на баскискиот тренер договорот ќе биде прекинат,

Севиља започна потрага по нов тренер. Се очекува Хорхе Сампаоли да пристигне утре во Севиља и да започнат разговори ", напишаа на официјалниот сајт од Севиља.

 
Пјаниќ пред потпис со Јувентус
13.06.2016.

 Поранешниот ас на Рома Миралем Пјаниќ е во Торино, а се очекува утре да потпише петгодишен договор со Јувентус. Пред тоа Босанецот ќе треба да ги помине задолжителните медицински прегледи во клиниката на „бјанконерите" - "J Medical". 

Пјаниќ побара да се искористи неговата клаузула во договорот, доколку некој плати 32 милиони евра и да го напушти клубот од Рим. Шампионот на Италија, пак, откри дека босанскиот фудбалер сам побарал да премине кај „Старата Дама".

Ова ќе биде голем удар за Рома, не само поради тоа што остануваат без услугите на еден од клучните играчи, туку поради тоа што тој ќе биде дел од директен конкурент за титулата во Италија.

 
Хумелс останува на клупата за Украина
12.06.2016.

 Во репрезентацијата на Германија нема проблеми со нови повреди пред првиот натпревар на Евро 2016 против Украина, но Матс Хумелс нема да започне како стартер.

Ова го објави селекторот Јоаким Лев на прес-конференцијата пред натпреварот. Главниот дефанзивец на Бундестимот, Хумелс, започна нормални тренинзи по повредата на мускулот на потколеницата, но ќе биде премногу рано за него да започне како стартер против Украина во сабота, смета Лев.

"Матс Хумелс направи сè како што треба и тој е подготвен 100 проценти, но е премногу рано да биде стартер. Ние ќе се потпираме на него на наредните средби", вели Лев.

 
31 повреден, 4 во тешка ситуација во Марсеј
12.06.2016.

 Полицијата во Марсеј конечно успеа да ги смири хулиганите и да го запре дивеењето по улиците и околу стадионот. Билансот на повредени изнесува 31 лице, од нив четворица се со сериозни повреди и во тешка ситуација.

Од споменатите четворица кои завршиле на реанимација во локалните болници, тројца се полицајци. Четвртиот е англиски навивач на 51-годишна возраст, кој е во животна опасност. Тој бил нападнат со метални шипки при што добил тешки удари во главата.

По тридневните судири уапсените се вкупно 17 хулигани, а се уште се трага по останатите вмешани во големите инциденти на улиците на Марсеј.

 
И Верати по примерот на Ибра оди во Јунајтед?
12.06.2016.

 Марко Верати може да го следи примерот на Златан Ибрахимовиќ и наскоро да се пресели во екипата на Манчестер Јунајтед. Според "Кориере дело Спорт" Англичаните се подготвени да извадат 100 милиони евра за организаторот на играта на францускиот првак.

Иако се уште не е официјално објавено дека Ибра потпишал за Јунајтед, голема е веројатноста тој од 1 јули да го облече дресот на популарниот англиски тим. Мурињо побарал од управата на клубот да се обезбедат средства и за доаѓањето на Верати кој треба да го гради новиот Јунајтед следната сезона.

Верати поголемиот дел од сезоната го помина опоравувајќи се од повредата, а пред Европското првенство беше опериран од хернија и не е дел од италијанскиот тим на ова европско првенство.

 
Депортиво си обезбеди нов тренер
12.06.2016.

 Шпанскиот прволигаш Депортиво Ла Коруња две недели откако го отпушти Виктор Санчез од тренерското место, ја пронајде неговата замена. Имено, клубот синоќа ја официјализираше соработката со Гаизка Гаритано, кој веќе е нов тренер на Депортиво Ла Коруња.

Досегашниот тренер на Еибар потпиша договор со клубот од Галиција на една сезона, со опција за уште една ако двете страни бидат задоволни од соработката. Еибар под водство на Гаритано минатата сезона беше вистински хит во Примера.

Депортиво се обидува да се врати на старите патеки во примера, па со ангажманот на новото тренерско се очекува и освежување во составот за следната сезона.

 
Цонга се откажа од учество во Квинс
12.06.2016.

 Францускиот тенисер Жо Вилфред Цонга го откажа учеството на турнирот во Квинс, кој е последна проверка пред стартот на третиот Грен Слем турнир, Вимблдон.

Причина за откажувањето на настапот е повреда на мускулот. Цонга не може ниту да тренира и се надева дека ќе биде подготвен за Вимблдон кој започнува на 27 јуни.

Цонга играше во финалето на овој турнир во 2011 година и беше поразен од Енди Мареј. Неколку пати на Вимблдон Цонга стигнуваше и до полуфиналето, но никогаш не играл во мечот за титулата. 

 
<< Почеток < Претходна 1 2 3 4 5 6 7 8 9 10 Следна > Крај >>

Резултати 15 - 28 од 34226
No Image
No Image No Image No Image

Лична Карта

 
 
Адреса: бул. 8 Септември ББ,
сала:  Б. Трајковски
Тел/факс: 02/31 21 903
e-mail: Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете
SMS 070/075/077 145 903077 145 903
 
Следете не на:
 
 
 
 
   

ФОТО - 11. РОДЕНДЕН

Партнери


 
     
 
 
 

        

    

 


Nogomet

No Image
© 2017 Спортско Радио 90,3
Joomla! is Free Software released under the GNU/GPL License.
No Image