Селекторот на кошаркарите на Србија Душан Ивковиќ го одреди списокот на играчи кои ќе бидат активни на Светското првенство во Турција.Од него во последен миг отпадна Милосављевиќ.

„Тој како и останатите играчи работеше одлично во текот на подготовките.Покажа голем напредок и јас му заблагодарувам.На него ќе сметаме во иднина посебно што го очекува богата сезона во Евролигата во дресот на Партизан“-изјавил Ивковиќ.

Претседателот на Фудбалската федерација на Аргентина Хулио Грондон изјавил дека времениот селектор Серхио Баптиста најверојатно ќе биде и официјален предводник од клупата на “гаучосите“.

Грондон во интервју објаснил дека треба да се случи нешто невообичаено за да не се остварат неговите прогнози.Баптиста дојде на селекторската позиција веднаш по заминувањето на Диего Армандо Марадона по Светското првенство во Јужна Африка на кое Аргентина стигна скромно само до 1/4-финалето.

Жан Пјер Пакле поранешниот лекар во стручниот штаб на Фудбалската федерација на Франција во неговата книга открил, дека репрезентативците на Мундијалот во 1998. година кои дошле од Серија „А“ имале одредени “неправилности„.

Токму оваа вест која беше објавена на државното радио може да предизвика лавина на реакции во медиумите и соодветните институции посебно што французите таа титула ја сметаат како најголемо достигнување во светот на спортот.

Познатиот Формула 1 возач Дејвид Кулхард изјавил дека неговиот екс состав Ред Бул Рејсинг останува главен кандидат за првото место во тековната сезона заедно со Ферари и Мекларен.

„На кого би вложил пари? Луѓето ќе речат дека сум пристрасен поради контактите со тимот но, мислам дека наредните две трки во Белгија и Италија ќе покажат дека болидот РБ6 ќе биде најбрзиот и дека возачите на Ред Бул ќе влезат како огромни фаворити за трките надвор од Европа„-изјавил Шкотланѓанецот.

Тренерот на фудбалерите на Ливерпул Рој Хоџсон се соочува со големи проблеми в пресрет на реваншот со Трабзон во последното коло од квалификациите во Лига Европа.

„Црвените“ стартуваа лошо во Премиерлигата и по две кола немаат победа.Што се однесува до играчкиот состав, Маскерано одбива да игра и сака да си замине а напаѓачот Фернандо Торес и капитенот Стивен Жерард се соочуваат со повреди.За Турција не отпатуваа и :Даниел Агер и Макси Родригез.Сето ова му создава грижи на искусниот стратег бидејќи на првиот меч неговите избраници остварија само минимална победа од 1:0.

“Пред моите фудбалери е компликувана задача и тоа на тешко гостување.Трабзон е еден од трите најдобри состава во Турција а секој што играл на тие терени знае каква е атмосферата и што го очекува од страна на домашните фанови“-изјавил тренерот на Англичаните.  

Дејвид Блат селекторот на кошаркарите на Русија одлучи во Турција да однесе 13. играчи и дури утре да реши кое име ќе го отстрани од официјалниот список за да остане на предвидената бројка од 12. кошаркари.

Познатиот стратег во моментов на располагње ги има: сергеј биков, Алексеј Швед, Виталиј Фридзон, Дмиртиј Хвост, Евгениј Воронов, Антон Понкрашов, Евгениј Колесников, Виктор Храпа, Андреј Ворончевич, Тимофеј Мозговај и Александар Каун.

Фановите на фудбалскиот тим Паниониос го оштетиле теренот на кој настапуваат нивните миленици само за да го спречат градскиот ривал од Атина  составот на АЕК да се појави на реваншот со Данди Јунајтед.

Полицијата во Грција соопштила дека група од околу 30. навивачи на Паниониос влетала на стадионот „Неа Смирни“ ги срушила головите, ги запалила клупите за резервни фудбалери, ископала големи дупки на делови од теренот и испишала навредливи слогани на сметка на АЕК и на Европската фудбалска унија-УЕФА.