Мохамед бин Хаман првиот човек на Фудбалската Конфедерација на Азија изјавил дека нема да се кандидира за претседател на ФИФА на изборите кои се закажани за наредната година.

“Јас ќе бидам многу јасен.Нема да се кандидирам на изборите на ФИФА.Ќе му ја дадам мојата подршка на сегашниот претседател Сеп Блатер“-изјави Хаман и на некој начин му ја отвори вратат за новите 4. години на сегашниот прв човек на светскиот фудбал.

За оваа позиција беше заинтересиран и французинот Мишел Платини но, се откажа во последне миг откако проценил дека е подобро да конкурира за нов мандат во Европската фудбалска асоцијација.На швеѓанецот Блатер сегашниот мандат му истекува на 11. јуни наредната година

Англискиот фудбалски состав Ливерпул потврди дека склучил договор со Барселона и дека неговиот фудбалер Хавиер Маскерано дефинитивно ќе замине во Шпанија.

“Ливерпул склучи договор околу трансферната цена на Маскерано и самиот фудбалер веќе има одврзани раце да преговара за личните услови со Шпанскиот состав„-стои на официјалниот веб-портал на тимот од „Енфилд Роуд„

Селекторот  на кошаркарската репрезентација на Аргентина Серхио Ернандес сепак нема да може да смета на услугите на Андрес Ночиони на претстојното Светско првенство во Турција.

Искусниот играч беше на списокот на „гаучосите“ но, во меѓувреме пристигнала забрана од тимот на Филаделфија во кој настапува Аргентинецот.Лекарите на НБА составот процениле дека поради актуелната повреда ќе биде ризично нивниот кошаркар да се појави на собирот во Турција и ја искористиле клаузулата со која може да му забранат да настапи ако проценат дека не е максимално фит.

Англискиот фудбалски состав Арсенал успеа да ја засили одбраната откако се договори со Себастијан Скилачи за негов ангажман на островото.Новиот член на „топчиите“ во претходните две сезони настапуваше за Шпанската Севиља.

За него раководството на Арсенал издвои 4. милиони евра.Дефанзивецот ќе може да настапува во новата сезона во Лигата на шампионите бидејќи не беше дел од плеј-офф квалификациите што Севиља ги одигра со тимот на Брага.„Имавме желба да купиме квалитетен центархалф, искусен и да не вреди премногу на трансфер пазарот.Тој се вклопува во оваа шема.Одличен  е во дуелите еден на еден, знае да постигне гол и мислма дека брзо ќе се адаптира на терените во Англија„-изјавил тренерто на Арсенал Арсен Венгер.

Претседателот на Европската фудбалска федерација Мишел Платини потенцирал дека денеска технологијата не е потребна бидејќи 5. судија ќе биде доволен да се забележи секое играње со рака, дали има пенал или да се процени дали топката ја минала гол-линијата.

Неколкуте големи судиски грешки на Мундијалот во Јужна Африка ги изреволтираа навивачите и на некој начи ја наметнаа идејата за воведување на технологијата на фудбалските терени.

Европскиот шампион Интер на нашиот Горан Пандев се најде во група со Вердер, Тотенхем и Твенте во групната фаза од Лигата на шампионите за новата сезона 2010/11. „Нероаѕурите“ како носители се најдоа на првото место во групата „А“, а за ривали добија сосема квалитетни состави.

Натпреварите од новата сезона во лигата на шампионите почнуваат на 14 и 15 септември. Интересно, на денешната церемонија во Монако, УЕФА ги прогласи најдобрите од минатата сезона. Најдобар голман беше Сезар, најдобар дефанзивец Маикон, наградата за најдобар играч за врска ја доби Снајдер, а најдобар напаѓач беше избран Милито, сите од Интер.