Моментно централното светско фудбалско репрезентативно натпреварување, Купот на Африканските нации, го тресат скандали! Според пишувањата на африканските весници, полицијата во Гана добила материјали за да го разгледа случајот на наводен обид за местење на натпревари на актуелното натпреварување.

На селекциите на Бенин и Намибија, минатата недела им биле понудени поголеми парични средства за да ги загубат средбите во групата. Парите им ги понудил непознат човек. Според соопштението на локалните власти во Гана, инцидентот го пријавил селекторот на Бенин, Рајнхард Фабиш, како и фудбалерите на репрезентацијата на Намибија. Генералниот секретар на АФЦ, Мустафа Фами, изјави дека досието е доставено до полицијата, која го разгледува случајот.

На селекцијата на Намибија и биле понудени 30.000 долари по фудбалер за да го загубат дуелот со Гвинеја. Фабиш ги открил сите...

Откако се најде до гуша во проблеми по објавувањето на аферата со фризерката Ејми Волтон, фудбалерот на Челзи, Ешли Кол, на секој начин се обидува да си го спаси бракот со својата сопруга Черил, со која во брачните води „пливаат“ едвај 18 месеци. Како што пренесоа англиските весници, Ешли вчера добил ултиматум во 5 точки од својата сопруга, кој доколку не го исполнува во иднина ќе добие „директен црвен картон“.

Ултиматумот ги има следните барања од Черил Кол: 1. На секој две недели да измислува по еден романтичен гест, 2. Да поминува повеќе време со сопругата, а помалку со компјутерот, 3. Да ги прекине дружењата со пријателите кои сакаат да го разведат, 4. Да оддржува постојан контакт со неа и да не се обидува да се скрие од нејзините...

Македонскиот фудбалски репрезенативец Величе Шумуликоски ќе биде нов член на англискиот второлигаш Ипсвич. Шумуликоски ги задоволил вкусовите на менаџерот Џим Магилтон, а откако ги договори личните услови, денеска е постигнат договор и меѓу Ипсвич и неговиот досегашен клуб Бурса.

Пред да биде официјално промовиран, Величе треба да ги помине медицинските прегледи и да добие работна дозвола.

За да биде постигнат договорот, Шумуликоски беше на неколкудневна проба на „Портман роуд“ и со одличните игри го заслужи трансферот во англискиот клуб.

Претседателот на италијанскиот клуб Палермо, Мауро Зампарини денеска најави дека по консултацијата со своите адвокати решил да побара службена победа или најмалку преигрување на натпреварот против Рома од 20-то коло на Серија А лигата.

Голот беше постигнат од корнер откако претходно едно од момчињата кои ги додаваат топките многу брзо ја намести топката за изведување на корнерот, а одбраната на Палермо не беше добро поставена, а Мансини казни.

Сега Зампарини вели дека според правила момчињата задолжени за топките треба да стојат позади рекламните паноа и да ја додадат топката на најблискиот играч, а случајот на Олимпико бил поинаков.

Репрезентативецот на Мали Мохамед Сисоко денеска конечно стави потпис на договорот со најтрофејниот италијански тим Јувентус.

Сисоко го напушти Ливерпул во трансфер вреден 11 милиони евра и потпиша петгодишен договор со „Старата дама“.

Интересно е тоа што фудбалерот со специјален лет пристигна од Гана во Торино, ги помина медицинските прегледи и го потпиша договорот со Јуве, по што веднаш се врати на африканскиот континент каде неговата репрезентација ја очекува последниот натпревар во првата фаза од африканскиот куп на нации.

„Среќен сум што потпишав за голем клуб каков што е Јувентус и тоа сигурно е напредок во мојата кариера“, изјави Сисоко на официјалната промоција, надополнувајќи дека ќе му биде голема чест да игра покрај легенди како Буфон и Дел Пјеро и да биде тренирани од Раниери.

На денот на одигрувањето на сениорскиот контролен меч меѓу селекциите на Македонија и Србија на Градски во Скопје, на стадионот во Чаир пријателски натпревар ќе одиграат и ветераните на овие две земји. Средбата е договорена на 6 февруари од 13:30 часот како увертира за она што потоа (17 ч.) ќе се случува на Градскиот стадион.

Според најавата, во Скопје за овој дуел на ветераните, Србија ќе допатува со познати имиња на бившо-југословенскиот фудбал. За Србија на Чаир треба да истрчаат Петрановиќ, Мирковиќ, Говедарица, Банковиќ, Живковиќ, Сакиќ и уште неколку познати имиња на фудбалот кај нашиот северен сосед. Боите на Македонија на оваа средба ќе ги бранат Ј. Џипунов, С. Јанев, Т. Мицевски, Д. Главевски, Шабани, Т. Наумовски, Љ. Марковски, М. Стојановски, В. Љушев и уште неколку други познати наши имиња.

На средбата ќе бидат поканети и постари имиња на македонскиот и српскиот фудбал кој треба да ја зголемат атрактивноста на настанот, на кој се очекува и добра посетеност. Медиумски спонзор на настанот е Спортското радио 90.3 фм.

Македонскиот борач Мурат Рамазанов, очекува златен медал на ЛОИ во Пекинг. Тој денеска на прес-конференција во МОК изјави дека е задоволен од ангажманот и работата на МОК и Боречката федерација, кои му овозможија одлична програма на подготвителни настапи пред Олимпијадата. Рамазанов ќе настапи на два силни боречки турнири во Минск и Киев следните два месеци, а во април ќе настапи и на ЕП во Тампере.

„Им благодарам на МОК и на Боречката федерација за се што направија досега. Очекувам златен медал на ЛОИ, прво за мене, а потоа и за Македонија“, изјави Рамазанов.

Тој засега е единствениот борач кој е сигурен учесник на ЛОИ во Пекинг. Покрај него, потенцијални патници во Кина се и Дејан Богданов и Љуљзим Вранези, кои ќе се борат за олимписка норма.