Бразилецот Кака според најновата верзија во своите изјави посакува да стане капитен и до крајот на кариерата да остане во екипата на Милан. Бразилецот во изјава за магазинот „Публико“ вели дека сака да го следи примерот на Паоло Малдини кој по завршувањето на сезоната заминува во пензија, а тогаш ќе биде познат и новиот капитен на „росонерите“.

Кака вели дека го разбира интересот на другите клубови и тој интерес му годи, но сепак тој секогаш бил убеден дека сака да остане на „Сан Сиро„ со надеж дека нема да се остварат најавите дека тренерот Карло Анчелоти ќе си замине ова лето, затоа што со него има одлична соработка.

Тренерот на Баерн Минхен Отмар Хицфилд постигнал договор со челниците на фудбалската федерација на Швајцарија за превземање на селекторското место по завршувањето на ЕП во Австрија и Швајцарија. Актуелниот тренер на баварскиот тим ќе биде заменет од Јирген Клинсман, а во текот на вчерашниот ден тој конечно ги услогласил условите со челниците на швајцарската федерација.

Според шпекулациите, Хицфилд ќе стане најскапоплатениот швајцарски селектор откако неговата актуелна плата во Баерн е осумпати поголема од онаа на актуелниот селектор на Швајцарија Коби Кун. 

Фудбалската репрезентација на Србија денеска ќе пристигне во Скопје каде утре

Ќе одигра пријателски натпревар против нашата фудбалска репрезентација. Како и нашиот национален тим, најдобрите фудбалери на северниот сосед првиот собир го имаа вчера, а првиот тренинг го одработија во нецелосен состав.

Според информациите кои се потврдени од Србија, иако Дејан Станковиќ дошол во базата на репрезентацијата, тој денеска нема да допатува во нашата земја, односно нема да настапи на утрешниот натпревар.

Натпреварот Македонија-Србија ќе се игра утре на „Градски“ од 17 часот, а ова ќе биде деби на клупата на Србија за селекторот Мирослав Ѓукиќ.

Новиот менаџер на Њукасл Кевин Киган е многу популарен кај англиските букмејкери откако фановите на оваа екипа масовно се обложуваат дека тој наскоро ќе заработи отказ. Според англиските медиуми, откако тимот предводен од Киган освои само два бода на четири натпревари при што беше постигнат само еден гол, фановите се убедени дека неговиот камбек на клупата на Њукасл нема да трае уште долго.

Дел од букмејкерите понудија однос 4/1 за Киган да биде следниот отпуштен тренер во Англија, а фаворит и понатаму е Рафа Бенитез откако понудата за него е 6/4, по што следуваат Киган и Стив Копел од Ридинг со 4/1.

Гласовите за оваа награда ги даваат тренерите, па според Прандели голема чест е две години по ред да се добие ова признание од своите колеги, инаку големи ривали на теренот. Прандели ја загуби својата сопруга која почина по долго боледување, но сепак фудбалерите на Фиорентина се уште имаат шанси да бидат дел од четворката која обезбедува пласман во ЛШ.

Македонскиот ракометен вицешампион Металург триумфираше на турнирот „Нови Сад“ кој синоќа заврши во Рума. Металург во финалето славеше против екипата на Борац од Бања Лука со 23:21 и со тоа го освои првото место на подготвителниот турнир на кој учествуваа 10 екипи.

Третото место го освои Пролетер кој во малото финале славеше против екипата на Црвена Звезда со 35:30.

Признанието за МВП на турнирот, односно специјалната награда „Богдан Родиќ“ ја доби членот на Металург и наш репрезентативец Филип Миркуловски.

Шпанскиот прволигаш Рекреативо Хуелва направи смена на тренерското место, откако клубот има очајна серија, а последниот натпревар со локалниот ривал Севиља го загуби со 2:1 пред своите фанови.

Виктор Муњоз мораше да си замине од функцијата, а неделниот дуел беше седми по ред на кој Рекреативо не знае за победа.

Наследник на Муњоз ќе биде досегашниот тренер на вториот тим Маноло Замбрано.

Рекреативо по ова коло се наоѓа на 19-то место од вкупно 20 екипи.

По повод прославувањето на 50-годишнината од стартот на европските кошаркарски купови, Евролигата ги прогласи највлијателните педесет европски кошаркарски личности во историјата. Комисијата на стручњаци кои гласале биле предводени од легендарниор Бора Станковиќ, а признанијата ќе бидат доделени на претстојната Фајнал фор завршница во Мадрид.

На списокот на кошаркари се најдоа: Алвертис, Берковиќ, Брабендер, Ќосиќ, Далипагиќ, Делибашиќ, Ѓорѓевиќ, Џинобили, Кораќ, Лујк, Макаду, Морс, Папалукас, Петровиќ, Раџа, Родригез, Сан Епифанио, Јанакис, Белов, Бодирога, Корбалан, Д’Антони, Даниловиќ, Дивац, Галис, Јасикевичијус, Кукоч, Марцорати, Менегин, Осола, Паркер, Рива, Сабонис и Шчербијак.

На листата на највлијателните тренери се: Фернандиз, Гомељски, Маљковиќ, Николиќ, Петерсон, Гершон, Ивковиќ, Месина, Обрадовиќ и Саинц.