|
Јуве подготвува трансфер буџет од 80 мил. евра |
|
13.03.2010. |
 Јувентус планира да направи големи промени во играчкиот кадар за време на летната пауза. Ова го објави денешен торински „Тутоспорт“ кој потенцира дека во администрацијата на „Старата Дама“ се кројат планови за богат буџет кој ќе биде искористен за ремонт на тимот и амбиции за враќање на шампионската титула во Торино. Весникот објави дека Јувентус ќе одвои најмалку 80 милиони евра за засилувања, а како први конкретни цели на управата и тренерот ќе бидат францускиот репрезентативец Франк Рибери и напаѓачот на Реал (М), Гонзало Игуаин. Во многу нешта, комплетниот ремонт на тимот ќе зависи и од пласманот на Јуве во Лигата на шампионите. Ако екипата годинава не успее да се најде во ЛШ, тогаш многу веројатно е буџотот да биде скратен. На листата на потенцијални засилувања се и Филип Мексес од Рома и Леонардо Бонучи од Бари.
|
