|
Стори си замина од Портсмут |
|
13.03.2010. |
 Извршниот директор на англискиот „стечаец“ Портсмут, Питер Стори, утрово соошти дека го напушта клубот. Веста ја објавија медиумите потенцирајќи дека администраторот Ендру Андронику го потврдил решението на Стори и изјавил дека тоа е за доброто на клубот. Откако разговарал со семејството и со своите пријатели, Стори решил дека е најдобро и за него и за клубот тој да се повлече од позицијата по долгогодишната работа во популарните „Помпи“. И покрај тоа што си заминува, Стори ќе остане да помага во тешката ситуација во која се наоѓа клубот. Портсмут стана првиот клуб од англиската Премирлига кој се нашол под стечај, а поради долговите и наталожените обврски клубот мора да оди со скратување на актуелниот персонал во висина од 80%.
|
