Македонскиот футсал шампион Железарец од Скопје , утре ги започнува своите настапи на прелиминарнот турнир во Футсал купот на Уефа или Лигата на шампионите. Железарец е домакин и организатор на овој турнир кој ќе се игра во СРЦ Кале од 19-22 август и на кој треба да настапа шампионите на Македонија, Црна Гора, Норвешка и Турција.

Првиот ден односно во четврток во терминот од 18 часот ќе играат Даниловград (Црна Гора) и Футсал Осло (Норвешка) додека во 20 часот Железарец ќе игра против Истанбул Универзитеси (Турција). Во второто коло кое е на програма во петок од 18 часот играатИстанбул и Даниловград ,додека Железарец за противник ќе ја има екипата на Футсал Осло. Последното коло ќе биде на програмата во недела кога можеби и ќе се решава прашањето на екипата која би го освоила првото место во оваа група кое води во натамошните натпревари од Футсал купот.

Во неделниот термин од 18 часот играат Футсал осло и Истанбул, додека Железарец против нај големиот конкурент Даниловград од 20 часот. За во четврток од 12 часот е закажана и прес конференција на која треба да бидат присутни преставниците на сите екипи учесници на овој турнир.

Македонскиот фудбалски репрезентативец и воедно член на италијанскиот Интер Горан Пандев, изјави, дека на вчерашниот пријателски меч во Ла Валета со Малта (1:1) шансата за победа е пропуштена во првото полувреме.

“ Доминиравме во тој дел од мечот а покрај водството не искористивме уште две-три ситуации за гол.Во вториот дел Малта беше можеби подобар противник, постигна гол на самиот почеток и потоа беше тешко да се пробие нивната одбрана. Овој период е многу непријатен за натпревари бидејќи сите играчи се во фаза на подготовки и кондицијата не е на највисоко ниво.Секако дека натпреварите со Словачка и Ерменија се друга приказна и тука ќе влеземе максимално подготвени да направиме добар резултат“-изјави нашиот најдобар фудбалер.

Репрезентацијата на Македонија не успеа да ја оствари посакуваната и планирана победа во контролната средба со Малта која се одигра синоќа во Ла Валета со резултат 1-1.

Селекторот Мирсад Јонуз смета дека и овој резултат, заедно со настаните на теренот можат да бидат корисни за стартот на квалификациите кога се ќе се анализира.„Одигравме  две различни полувремиња. Во првото доминиравме и пропуштивме неколку убави прилики да го решиме натпреварот. На почетокот на вториот дел се случи она од што најмногу се плашев, направивме грешка во одбраната и тоа резултираше со израмнување на резултат“-изјавил Јонуз.

Селекторот најавува дека нема повеќе врема за нови фудбалери и експериментирање.“ Во овој момент сум сигурен дека 2-3 играчи нема да бидат во списокот за Словачка кој ќе го објавиме на 18. Август.- заврши нашиот селектор.

Младата фудбалска репрезентација на Македонија денеска во Цеље со почетокот во 18.00 часот ќе одигра контролен меч со соодветната селекција на домаќинот  Словенија.

Нашите надежи во почетокот на септември ги очекуваат два натпревара од квалификациите за Европското првенство против составите на Грција и Португалија. Соочен со неколку откажувања и без дел од стандардните репрезентативци селекторот Бобан Бабунски ќе се обиде да испроба неколку пред се дефанзивни фудбалери кои се наметнуваат за во иднина за првотимскиот статус.

Kај домаќинот според тамошните медиуми ќе недостасува единствено Рене Крхин кој игра во Болоња додека останатите репрезентативци ќе му бидат на располагање на селекторот Томаж Кавчиќ.

Доцна синоќа со доаѓањето на напаѓачот Марио Ѓуровски во Ла Валета се комплетираше нашата најдобра фудбалска репрезентација в пресрет на утрешниот пријателски дуел со домаќинот Малта.

За селекторот Мирсад Јонуз и неговите избраници, ова е последна контрола пред натпреварот со Словачка нагости на 8. септември на стартот на квалификациите за Европското првенство што во 2012. година ќе биде одржано во Полска и Украина.Според планот нашите фудбалери вчера одржаа тренинг на стадионот „Та Квали„ а денеска ќе бидат активни само на на помошните игралишта.