Менаџерот на Блекбун Пол Инс ќе си обезбеди ново засилување на голманската позиција со потпишувањето на договорот со голманот на Тотенхем, Пол Робинсон за 3,5 милиони фунти и ќе му дозволи на Бред Фридл да замине во Астон Вила.

Оваа информација денес ја објавија медиумите на Островот очекувачи финализирање на овој трансфер. Според истите извори денес Робинсон треба да ги помине лекасрките прегледи по што би требало да потпише договор со екипата на Блекбурн и тоа на период од три години со што би ја заборавил минатата лоша сезона и загубувањето на местото во репрезентацијата на Англија.

Барселона потврдила уште еднаш дека не е задолжително за оваа екипа да го ослободи аргентинскиот репрезентативец Леонел Меси з анстап на Олимписките игри во Пекинг. Во средата ФИФА соопшти дека клубовите се должни да ги ослободат играчите до 23 години за нстап на ОИ во Пекинг.

Но Барселона сака да го има на располагање својот најдобар играч кој има 21 година за натпреварите од третата квалификациска рунда за Лигата на Шампионите која се игра во август.како одговор на информацијата на ФИФА, од Барселона уште еднаш потенцирале дека правилата на ФИФА не ги обврзуваат клубовите на такво нешто и дека тие не планираат да дозволат Меси да патува за Пекинг.

Напагачот на Фиорентина Адриан Муту ќе остане во клубот поради тренерот Чезаре Прандели. Оваа информација ја пренесе романското издание Prosport.

Како што е познато екипата на Рома направи понуда во висина од 20 милиони евра до Фиорентина за овој играч но од клубот истакнуваат дека нема никаква лигика да се разделат од својот најдобар фудаблер во сезоната кога ќе настапуваат во Лигата на Шампионите.

Деновиве во Италија се  појавија и информациите дека доколку Муту замине во Рома, Фиорентина би го заменила со нашиот Горан Пандев.

Раководството на Јувентус подготвило понуда од 25 милиони евра со кои сака да го купи напагачот на Рома Алберто Аквилани, соопштува италијанското издание на „Тутоспорт”.

Торинскиот клуб е подготвен на играчот да му плаќа по 3,2 милиони евра на сезона. Во моментов Аквилани заработува по 900 000 евра на сезона, што е навистина малку за играч од неговата класа.

Аквилани има постоечки договор со Рома до 2010 година, но побарал поголема плата која би била околу 2,5 милиони евра, а од клубот го одбиле тоа.

Тренерот на германскиот бунделсигаш Енерџи Котбус, Бојан Прашникар, за германскиот весник „Лаузитцер Рундшау“ изјави дека на ниту еден фудбалер во тимот не му е загарантирано местото во стартниот состав. Мотото под кое работи во подготовките Прашникар е „сите 26 за првите 11“.

„Тренинзите и четирите контролни средби ќе го дадат конечниот избор. Сите играчи ќе се борат за да станат првотимци“, изјавил Прашникар.

За двете централни дефанзивни места Прашникар има четири алтернативи. Покрај нашиот Игор Митрески за стартно место во овој подготвителен период се борат и Кукиелка, Цвитановиќ и Радељиќ.

Директорот на Агенцијата за млади и спорт на РМ, Драган Ѓурчевски, денеска ја прими македонската олимписка експедиција пред заминувањето за Пекинг. Ѓурчевски во името на Агенцијата најави дека секој освоен медал на ЛОИ во Пекинг, ќе биде соодветно парично награден, а за освојување на злато на најголемата спортска манифестација, АМС ќе го награди носителот со 20.000 евра. Награди ќе има и за селекторите. Тие ќе добиваат по 20% од сумата наменета за спортистот во зависност од тежината на освоениот медал.

„Се надевам дека нема само еднаш да се слушне македонската химна во Пекинг, онаа на отворањето на Игрите. Ние ќе ве поддржиме со цело срце да ја преставите Македонија во најдобро светло“, изјави на приемот, директорот Ѓурчевски.

Тој додаде дека во иднина ќе се работи на промена на законот со кој врвните спортисти и носителите на медали од големите натпреварувања ќе добиваат државни пензии по звршувањето на својата спортска кариера.